喺電子屏幕無處不在嘅時代，小朋友有好多機會接觸屏幕。但係大家千萬唔好忘記，幼兒期係生長發育嘅重要階段。過多屏幕時間會削弱小朋友嘅探索同學習能力，可能影響佢哋嘅認知發展、語言學習同社交技能發展！長時間對住屏幕，除咗會令眼睛唔舒服，仲會減少體能活動同睡眠時間，導致肥胖同睡眠不足，亦會影響到小朋友嘅記憶力、專注力同管理情緒嘅能力！

對於幼兒嚟講，靜態屏幕時間（睇電視、玩電腦、平板、手機、遊戲機等）每日唔應該超過1個鐘，越少越好。

家長可以引導小朋友傾偈、講故事、玩遊戲、閱讀、做勞作等，代替使用電子屏幕，對佢哋成長更有益。

家長亦要以身作則，盡量放低電話同平板電腦，同小朋友一齊享受更多親子時光！

記住，唔好透過控制幼兒使用電子屏幕既時間作為獎勵或懲罰，因為咁樣反而會令小朋友用多左屏幕㗎！

想了解更多幼兒健康資訊，快啲瀏覽「幼營喜動校園計劃」網頁︰https://www.startsmart.gov.hk/tc/